Langrenn på Rauland

Rauland kan tilby eit fantastisk skiterreng med totalt 150 kilometer preparerte løyper gjennom heile vintersesongen. Her blir du belønna med storslått utsikt i eit svært variert landskap med løyper så langt auget kan sjå. Løypenettet består av: 150 km godt preparerte langrennsløyper i variert terreng 60 km preparert med skøytetrasé og eitt klassisk spor 90 km preparert med to doble klassiske spor.

Slik kjem du deg hit​: Følg RV 37 frå Rjukan eller Rauland og parkér langs vegen (eigne plassar) eller ved Vierli Kafeteria. Her kan du gå innover i Silkedalen eller finne løyper mot Farhovd eller Raulandsfjell. Du kan og parkera ved Rauland Skisenter og gå innover mot Kroktjønn eller Ådalen, eller ta turen inn i løypenettet frå Holtardalen, sentrum av Rauland (Krossen) eller nærmare Kromviki/Raulandsfjell. 70 km høgfjellsløyper 80 kilometer skogsløyper 6 km (tur/retur) flombelyst langrennsarena med kunstsnø (lys på til kl. 22.00) 8 km ljosløype i sentrum. Du kan følgja status på løypenettet både på Skisporet.no og ved å følgja vår Facebookside Rauland løypeinfo med daglege oppdateringar frå løypemannskapa.